“ДАСГАЛ ХӨДӨЛГӨӨН ХИЙЦГЭЭЕ” ИДЭВХТЭЙ ХӨДӨЛГӨӨНИЙГ ДЭМЖИХ САРЫН АЯНЫ ХҮРЭЭНД ЗОХИОГДОХ АРГА ХЭМЖЭЭНД “ЭМЭЭЛТИЙН ХӨНГӨН ҮЙЛДВЭРИЙН ҮЙЛДВЭРЛЭЛ,ТЕХНОЛОГИЙН ПАРК” ОНӨТҮГ-ЫН АЛБАН ХААГЧИД НЭГДЭЖ БАЙНА

Иргэд өдөр тутмын амьдралдаа эрүүл зөв амьдралын хэв маягийг хэвшүүлж, биеийн тамирын дасгал хөдөлгөөнийг тогтмол хийж халдварт бус өвчнөөс урьдчилан сэргийлэх,бие бялдраа чийрэгжүүлэх, биеийн дархлааг дэмжих “Дасгал хөдөлгөөн хийцгээе” идэвхтэй хөдөлгөөнийг дэмжих сарын аяныг улсын хэмжээнд 2021 оны 06 дугаар сарын 02-30-ны өдрийг дуусталх хугацаанд арга хэмжээ,сургалт гэсэн хоёр хэлбэрээр зохион байгуулагдаж байна.

Засгийн газрын тохируулагч агентлаг Биеийн тамир, спортын улсын хорооноос сарын аяны хүрээнд зохиогдож буй арга хэмжээ, сургалтыг мэргэжил, арга зүйгээр хангаж, зөвлөмж, зааварчилгаа өгөн ажиллаж байна.

Аяны хүрээнд дараах арга хэмжээнд оролцож байна.

1. “Алхах-Гүйх-Дугуй” арга хэмжээнд 2021 оны 05 дугаар сарын 31-ээс 06 дугаар сарын 27-нд;
2. “Иогоор хичээллэе” сэдэвт 10 видео хичээлийн цуврал сургалтанд 2021 оны 06 дугаар сарын 02-30-нд;
3. “Шагайт дасгал” сэдэвт үндэсний уламжлалт тоглоом наадгайн танин мэдэхүйн сургалтанд 2021 оны 06 дугаар сарын 02-30-нд;
4. “Идэвхтэй хөдөлгөөн ба суугаа хэв маяг” сургалтанд 2021 оны 06 дугаар сарын 14-18-нд; тус тус оролцож байна.

2021.06.17